Ehsaas - e - Mulaqaat

23. Kuchh Khaas jo hone vala hai

Halchal see hai seene mein.. kuchh khaas jo hone vala hai..

jiske baad na hosh rahe.. ehsaas vo hone vala hai..

un ke aane ki khwahish mein.. raat aur din guzarte thay

barso se ummeed thee jis ki, aaj vo hone vala hai

yoon toh milne valon ki, kami nahi hai dunia mein..

par unka milna tum kya jano, nain bhigone vala hai..

meree saans, aas aur pyas ki baaten, log shouk se sun te hain..

vo kya jaane, kyun ye shayr, khushee mein rone vala hai..

saans thamee hai, pyas lagee hai, aas laga ke baitha hoon..

saans chalegee pyas bujhegee, sab sach hone vala hai

aaj khushee mein mar bhi jayen.. to gum thoda kum hoga..

Kar chuke mehsoos ye hum, deedaar jo hone vala hai

Rang mohabbat layegee..

22. Chahat aur Ummeed

Ik ummeed see rehtee hai.. aksar chahne vaalo ko...

rang mohabbat layegee.. kaam ibaadat ayegee..

khud samjhaate rehte hain.. achhe bure khyaalon ko

rang mohabbat layegee.. kaam ibaadat ayegee..

lamha lamha kat ta hai.. aksar yaar ki yaadon mein..

uljhe se vo rehte hain.. kabhi na kee huyee baaton mein

kabhi kabhi muskaate hain.. kabhi kabhi khil jaate hain..

intzaar ka shouk hai un ko.. usee mein khush ho jaate hain..

samajh na aye baat ye dil ki, aksar dunia vaalon ko

pyar samajh ke bahar hai, samajh bhi kaise ayegee

ik ummeed see rehtee hai, aksar chahne valon ko

rang mohabbat layegee.. kaam ibaadat ayegee

yar ko dekhun yar ko paun.. ye chahat bhi rakhte hain..

yar ko ruswa na kar jaun, isi khouf se darte hain

ik baar jo mud ke dekha usne, ghayl se ho jaate hain

bhookh pyas to ud jaatee hai, theek se so nhi pate hain..

fir zinda kar lete hain.. aksar inhee khyaalon ko..

vo ayenge, meree dunia, tab jannat ho jayegee

ik ummeed see rehtee hai.. aksar chahne valon ko

rang mohabbat layegee.. kaam ibaadat ayegee

khud suljhaate rehte hain.. dil mein uthe sawalon ko

rang mohabbat layegee, kaam ibaadat ayegee

Dil Ghabra Raha Hai..

21. Dil Ghabra Raha Hai...

Ik dar anjaan sa.. hum ko dara raha hai..

jaane kyun bevajah.. ye dil ghabra raha hai..

Ik buland hausla.. girta sa ja raha hai..

jaane kyun bevajah.. ye dil ghabra raha hai..

Manzil samne hai.. ye nazar a raha hai

fir kaun sa veham hai.. jo dara raha hai..

Ik rasta khula hua hai... humko bula raha hai..

fir bhi kyun bevajah. ye dil ghabra raha hai..

kisi maksad ki talash mein, hum nikal pade hain..

kaheen bhatak na jayen.. ye khyaal aa raha hai

sangeen hai ye maamala.. hai daanv pe bahut kuchh

kaheen haar nahi jayen.. man ghabra raha hai.

yaad baar baar humko.. ik chehra aa raha hai..

shayd usee ko khone ka.. dar sata raha hai..

ik shakhs zindagee mein, dastak de raha tha..

ehsaas ho raha hai.. ki vo lout ja raha hai.

Ik arz hai hamaree.. sun lena jaane vaale..

tadapta hua dil.. ye suna raha hai..

tere bagair hum bhi, bejaan se jiyenge..

tu lout ke na ja.. tujhe dil bula raha hai..

-RAJESH GARG

Pyar Kaise Hota Hai

20. Pyar Kaise Hota hai

log kehte hain ishq pehlee najar mein hota hai

dekhte hi chehra kuchh zigar mein hota hai

jaan te nahi vo pyar ki haqeeqat

samajhte nahee vo tareeka e mohabbat

bin awaaz hota hai, bina nazar k hota hai

pyar jab bhi hota hai, bina khabar k hota hai

han yeh sach hai ki haseen hain voh

han ye sach hai ki zaheen hain voh

haan ye sahc hai ki meree chahat hain voh

haan ye sach hai ki ibadat hain voh

par zaroore ye nahi ki vo mil jayen mujhko

pyar jab bhi hota hai, bina sharat k hota hai

-RAJESH GARG

Ye aag alag see hotee hai

19. Yeh Aag Alag See Hotee hai..

aksar shaam ko logon ke, chehre chamak se uth te hain, par meree shaam ki baat na poochho.. ye sham alag see hotee hai..

har shaam tumharee aankho mein ik raounak see dikhtee hai... par meree aankh ki baat na poochho. ye aankh alag see hotee hai..

yoon to shaam ki mehfil mein.. tum bhi baaten karte ho, par meree baat ki baat na poochho... ye baat alag see hotee hai...

apne pyar ki yaadon mein, tum aksar raat bitate ho.. par meree raat ki baat na poochho, ye raat alag see hotee hai..

milan ko vo bhi pyaase hain.. jo aksar milte rehte hain.. par meree pyas ki bat na poochho.. ye pyas alag see hotee hai.

ik yaaden vo hotee hain.. jin mein ik chehra hota hai.. par meree yaad ki baat na poochho.. ye yaad alag see hotee hai..

tum aksar apni saanso mein... naam kisi ka lete ho.. par meree saans ki baat na poochho.. ye saans alag see hotee hai...

kabhi kabhi ro leta hoon.. kabhi kabhi likh deta hoon... tanhaayee ki baat na poochho.. ye aag alag see hotee hai..

-RAJESH GARG

Zindagee Chal Rahee Hai

zindagee chal rahee thee... zindagee chal rahee hai..
Fir aaj aisa kya hua... ki dhadkan machal rahee hai...

yoon to milte rehte hain, hazaaro is safar mein..
kyun ab ke ik raet see... mutthee se fisal rahee hai...

Tum dost ho hamaare.. yaad to aaoge...
kyu magar hardum.. tumharee kamee khal rahee hai..

zindagee chal rahee thee... zindagee chal rahee hai..
Fir aaj kyun ye raet see.. mutthee se fisal rahee hai..

-RAJESH GARG

Mohabbat.. Forever...

17. Mohabbat forever..

Ik aansoo meree aankh se, Bas Chhalakne ko hai..
Ik saal baad aj dil, bas dhadakne ko hai..
Ik chehra jo kaheen. kho gya tha bheed mein;
us ki tasveer seene se, bas chipakne ko hai..
vo kadvee c alvida, zehn mein to hai;
par kisi andhere koney mein, bas simatne ko hai..
socha to nahi tha, ki tum fir yaad aoge;
par fir se tum bin zindgee, bas atakne ko hai...
nafarat se mohabbat ki, umr zyada hotee hai;
ye haqeeqt kaaghaz pe, bas utarne ko hai...
mehboob ko bhula ke, jo mayoos jee rahe hain;
kuchh pal mein un ki zindagee, bas palatne ko hai...
aaj mujhe ho gya, kal tumhe bhi hoga;
ye yakeen hawao mein, bas bikharne ko hai;
mohabbat zinda rehtee hai, mohabbat zinda rehte hai;
meree baat mein itna sa, bas samajhne ko hai...
ik baar tum bhi dekho, kuchh puraanee tasveeren;
shayd fir se zindagee, bas sanvarne ko hai...

-RAJESH GARG

Maut Aur Zindagee

16. Maut Aur Zindagee

yoon to dar maut ka , fitrat mein nahi hai,
sach hai ki ek din to jaan nikalnee hi hai,
Isee liye kabhi kee nahi, teree bandagee humne;
yoon to lele vapis, toone hi humko dee hai..,
bas khayaal karna, Berang ab nahi hai,
Mashakkat se sanwaree hai, ye zindagee humne!

-RAJESH GARG

15. Ik Zaman Tha

Ik zamaana tha, jab hum HUM hua karte thay,
Ab to hum hum na rahe, hum me vo baat na rahee;

hotho ki muskuraahat, aj bhi barkarar hai,
ik massomiat bhi thi, jo ab sath na rahee;

aj bhi mehfil me hum, din bhar hansa karte hain,jab akele me bhi muskuraate thay, vo rat na rahee;

tum bhi ho, hum bhi hain, kehne ko bhi bahut kuchh hai,bas hamaare beech koyee mulaqaat na rahee;
yoon to kat bhi jayegi, tere bagair zindgee,
par safar ban k reh gayee, sougaat na rahee.

-RAJESH GARG (missin someone..)

14. Maasoom Dostee

Ik pyar ka sagar, Eemaan ka dariya;
Maasoomiyat ka chashma,fida hone ki chaah;Khushee kaa jahaan, yaadon ka kaarvaan;Na toot ne layak, na bhool ne layak;Tere liye meri, mere liye teri;
Aashiqi, deewanagi,. Ishq aur mohabbat;
Aur inse bhi badh k, ......masoom dosti;

-RAJESH GARG

13. AAdat-e-husn

Hansnaa muskurana

Husn kee aadat hai

Paas aa k door jana

Husn kee aadat hai

Deewaanagi me hum toh

Ro pade bewajah

Yun berukhee dikhaana

To husn kee aadat hai

-RAJESH GARG

12.

Ye dil uljha sa hai.. ik ajab kashamakash mein... kabhee tum achhe lagte ho.. aur kabhee pyare lagte ho..

-RAJESH GARG

11.Mausam aur Office

meree office k ik glass se,ik jhalak mil rahee hai;
lag raha hai shayad,hawaa chal rahee hai;;

kuchh boondein kal giree thee, kuchh garmee kum huyee thee;
iss baat se mujhe kyu raahat mil rahee hai?;;

office mein to koyee, farak nahi dikhta;
AC chal rahe hain, battee jal rahee hai;;

Hai gumaan hum ko,hum imaaraton mein rehte hain;
fir kyun glass ki jhalak se, mujhe khushee mil rahee hai???;;

-RAJESH GARG (A Passing thought)

10. Dour -e- Berukhee

Dauraan –e-intazaar ,

Hume neend aa gayi

Daur –e- berukhee ko

Raat samajh baithe

Naam jo hamara

Unkee jubaan pe aaya

Hum thay is kadr khoye

Ki khwab samajh baithe

-RAJESH GARG (you miss the lost opportunities..)

9. Un ke Kehne par Un Ki Shaan Mein

Chasl re nasamajh dil
Aaj unki maan lete hain

Unki khamosh aarzu ko
Pura karne ki thaan lete hain

Surat bhi hai seerat bhi hai
Kya kya karen bayaan

Chal thodi c baaten likhte hain
Baaki maafi maang lete hain

Vo haseen mizaz vale
Jb meethi c muskaan dete hain

Dil lene vale to bahut hain
Vo kasam se jaan lete hain

Ik aur baat b hai, jo likhni hi padegi

K jb vo baat karte hain, hum dil ko thaam lete hain
Awaaz hai kamaal ki, ye to sab jaante hain
Par baat b aisi karte hain, ke hum betahasha maan lete hain

-RAJESH GARG(I Wrote This One For A friend whom I miss a lot today..)

8. Ae Gulshan Tu Naraaz Na hona

Ae gulshan tu naraaz na hona
Sun k hum jo baat kahenge
Kehna kab se chahte thay par
Shabdon mei hum aaj kahenge
Tera husn to maamoolee hai
Kahaan kisi ko yaad rahega
Hai mera yaar magar kuchh aisa
Jisko zamaane yaad karenge.....

RAJESH GARG (tAREEF-E-DILDAAR)

7. AAnkhen Bichha ke Baitha hoon

Ae gul, ae gulshan, tu gawah rehna; main un ki rah mei, aankhein bichha k baitha hoon

Armaan tha un ke dil me bas jaane ka;
hai khel kudrat ka, raste mei aa k baitha hoon

Ya vo guzrenge idhar se, ya mai fanaah ho jaunga; unki zid se apni jaan ki shart laga k baitha hoon

Dil mera chura k, khud itaraa rahe hain; dil un ka hasil karne ki, ummeed laga k baitha hoon

Husn ki raah me, ishq fanaah ho gaya; ye sab ko tu bataa dega, is ummeed se aa k baitha hoon

-RAJESH GARG (iNTIHA-E-iNTIZAAR)

6. About Me

I AM A POET
A simple sweet poet.
i know what i feel.
and how to express that.
its not important that m an engineer by profession. But what is important is that i am a poet.
i have a heart.
a heart that beats.
that beats for every small n big thing.
that cries in sadness,
that jumps in joy.
A heart that talks to himself when he is alone.
A heart that just not says the things always, sometimes it writes them on paper.
so that u may read them. not only later, but again n again ever.

i like to preserve the memories forever n ever.
may the life perish, but let the memories cherish.

I LIKE TO TREASURE PEOPLE
if u r my frn once, i would like u to be forever.

I LIKE TO HAVE A LOT OF MONEY.
not to preserve, but to spend it to my full capacity.

I LIKE TO GAIN KNOWLEDGE.
not because m studious, but for making money out of it. coz they say knowledge is wealth.

I LIKE TO BE FRNLY WITH GALS.
not because m a big flirt, but coz that may help me search out the right one for me. ;)

I LIKE TRUE PEOPLE. not because they r very good, but coz its easy to understand them.

I HATE LIE. not becoz to lie is a sin, but because it takes great effort to understand a lier.

I HATE ADDICTIVE THINGS. not because they r bad, but because they try to dominate us.

I HATE THAT GAL. not because she was selfish,but because she ruined my group of frns.

I LOVE CHANGE. yes. because everybody gets bored of one situation.

Well, all above is summary of me extract is that
I AM A POET.

-RAJESH GARG (Its Me)

5. Hasarat Nahee

Tumko hasil karne ki,

hasrat kuchh yoon nahi

Ki tera khyaal kaafeee hai

Zindgee bhar k liye

-RAJESH GARG (Ik ehsas yeh bhee...)

4. Badle Mizaz

Kuchh kehna fizool hai
Ki zirrah dil jeet nahi saktee
kuchh raaz to hai magar
Badle mizaaz mein
Kal bhi baat karte thay
Ab bhi baat karte hoo
Fark dikhta hai magar
Hazoor k andaaz mein

-RAJESH GARG (jAANE KYU KHAFA HAIN VOH..)

Kaise Honge vo..

Kuchh is tarah se karta hai dil intzaar kisi ka...

3.Kasie Honge Voh

Kya bateyen tumko ,Kaise honge vo
Natkhat se chulbule se , mere jaise honge vo

Dhokhe baazon k nagar me, Rahe maasoom ban k
Kechad me kamal k ,jaise honge vo

dekhoon jo chehra un ka , hosh mai bhulaa doon
bin maange jaan le len ,aise honge vo

yeh sab to hai baaten ,jo sab maangte hain
mai nahi kehta ,k kaise honge vo

hai bus ik tamanna, dagaabaaz na vo niklen
vo jaan meree honge, fir jaise honge vo

-RAJESH GARG (Waiting for someone...)

Tum Koun ho aur kya ho

Hi, I would like to share another piece of my poetry which i feel is good enough to share. Please provide your valuable comments.

2. Tum Koun Ho Aur Kya Ho

Kya batayen tum ko, Tum koun ho aur kya ho
Ik dhundhlee c yaad hai, Shayad is janam kee na ho

Ik safaed gaay, aur usko duhtee gwalin
Khoobsoorat itnee, Ki is zamee ki naa ho

Ik gareeb gwala, kuchh bojh sa uthaye
Ghar pe uske aya, shayd uska piya ho

Uth kar k doudee gwalin, Kuchh saath le ke ayee
Lagta hai jaise us ko, kuchh maakhan sa dia ho

Tum bhee chakh lo pyaree, gwale ne pukara
Muskurayee aise, ki shabdo se chakh lia ho

Ye hai ik prem kahanee, jo mere zehn mein ayee
Hai bahut khoobsoorat, sach ho ya falsafa ho


Koun gwalin , koun gwala, Yeh jaan te nahee hum
Kabhee kabhee lagta hai, Tum aur hum hi naa ho

Kaise batayen tumko ,tum koun ho aur kya ho
ye Yaad hai dhundhlee c, Shayd is janm ki naa ho

-RAJESH GARG (Just like that)

+919711137692

Poet- A coward..

You know, Poets are Cowards...
They can't speak out their mind directly..
they need support of poetry for that...
See how a Poet would propose...

1. Aksar AAnkho Aankhon Mein

Aksar Aankhon Aankhon mein, raat hamaree jaatee hai
Meree Aankhen num ho jaatee hain, jab yad tumharee aatee hai

Jaane kyun mehfil mein bhee, tanhaye sataatee hai
kabhee dhak dhak dil dhadakta hai, kabhee dhadkan bhi ruk jaatee hai

Kya pyar issee ko kehte hain, jab yaaden dil dhadkaatee hain..
Ik sirhan c uth tee hai, jab ye baat zehn mein aatee hai

humein ishq ho gya hai tumse, ye bata agar main maan bhi loon
Izhaar -e- mohabbat karne ki, meree khwahish hi reh jaatee hai

Kabhee khuda ki hasrat ho, tum saamne mere aa jao
AAnkhen khulee khulee rehtee hain, zubaan bandh ho jaatee hai

-RAJESH GARG (just can't say it)