Tere Jaane Ke Baad..

kaanta lage ya arthee uthay..

bemayne hai sab tere jaane ke baad..

is patthar ki chot se aah naa niklegee...

hum vo hain jo zinda hain sar kataane ke baad..

P.S. dialogue hai.... dard-e-dil samajh ke afsos na jatayen... :P

Ban rahee thee Ghazal

Ban rahee thee Ghazal

likh rahe thay hum.. ban rahee thee gazal..

fir khyaal aya ki hum to shayr hee nahee..

hairat se utha ke kagaz.. padh rahe thay hum..

padh rahe thay hum.. ban chukee thee gazal..

sab samajh mein aya.. aur ho gaya yakeen..

likhwa raha tha koyee.. aur likh rahe thay hum..

likhwa raha tha koyee.. ban rahee thee gazal..

vahan aur nahee koyee.. bas tasveer thee teree..

teree tasveer ke mukhatib.. ho likh rahe thay hum..

likh rahe thay hum.. ban rahee thee gazal..

par shaayr hum nahi... tasveer thee teree..

teree tasveer ne likhaya.. jo likh rahe thay hum

-RAJESH GARG

Ik Tasveer

25. IK Tasveer

ik sadak ke kinaare.. raakh see milee thee..

maloom hua ki us dagar.. tera aana jana hai..

teree soorat aur seerat ke charche hi kum nahi thay...

lagta hai ab adaon se.. shehr ko jalaana hai..

kya adaa se baithe ho... gazab muskuraahat hai..

hum tareef teree karte hain.. tasveer to bahana hai..

hum tum hon aur koyee na ho... kat jaye yoon hi umr saaree..

kaagaz pe ab likha hai.. par khwaab ye puraana hai..

-RAJESH GARG

Tum Bin Dil Lagta nahi...

24. Tum bin dil lagta nahi..

tamanna yahee hai.. ki tumse baat hi karte rahen..

par kehne ko kuchh nahi.... in char lafzon ke siva..

ki tumbin dil lagta nahi.. tumbin dil lagta nahi..

Shayd tumne meree.. aankho mein padha ho..

ya shayd maine tumse... kabhi keh bhi dia ho..

lagta hai fir bhi aise.. ki batana tumko baki hai..

ki tum bin dil lagta nahi.. tum bin dil lagta nahi..

maine dekha hai.. suna hai.. log izhaar karte hain..

bhari mehfil mein.. zahir karte hain.. ki vo kisi se pyar karte hain..

gar yakeen ho jaye.. ki pyar isee ko kehte hain..

to hum bhi sarre-aam.. karenge aelaan e mohaabbat..

par samajh na aye mujhko.. kaise bataun tumko..

ki tum bin dil lagta nahi.. tum bin dil lagta nahi..

-RAJESH GARG

Valentines Day.. a flashback for singles...

har sal ki tarah is saal bhi valentine week bahut khushgawar ja raha hai.. bahut se log apne apne partner ke liye plans bana rahe hain. lekin ruko... ye bahut se log majority nahi hain. majority to hum jaise singles hain. hum.. jin ka koyee valentine nahi ban saka.. lekin try hamesha rahee..

shuru se shuru karte hain.. school mein second row mein second bench vali ladki... kitnee pyaree lagtee thee.. lekin.. kuchh kehna to jaise paap hota tha.. ohh!! ye arts commerce science.. bechara school time ka pyar dil hi dil mein reh gya aur 10th pas karte hi alag alag education streams ki bali chadh gya..

Par hum log.. hum kahan har maan te hain.. fir 10+1 mein.. vahee the most beautiful girl in the class.. jis ko class ke 70% ladke pasand karte thay.. lekin jis ka baad mein pata chala tha ki uska boyfrn ek senior tha..

lekin yahan life khatm kahan hotee hai.. graduation.. aray vo junior.. jo bahut sweet lagtee thee.. but kahan kuchh keh paye us se.. seniority ka lihaaz rakhte reh gaye aur vo apne hi classmate ke sath settle ho gayee..

par dilvaale kahan himmat chhodte haiin.. abhi to PG baki hai..

lekin PG mein aa ke kya dekha.. jo settle ho saktee thee.. vo to pehle se settled thee.. aur jo ab tak nahi huyee.. vo kabhi ho bhi nahi saktee thee.. lekin fir bhi dhoondh li ek.. bas ab kisee tarah usko manaana hai.. frnshp to kar lee.. lekin valentine nhi bna paye... kyun? sure hi nhi thay..

fir job mein.. aray vaah! colleague! kya mast ladki hai yar! bas thodi image bana loon.. fir karta hoon baat.. itne mein uski engagement ho gayee..

bas yoon hi karte karte kitne valentine day nikaal diye..

lekin aaj humne ek aur mantra banaya hai.

not single and alone.. but indepedent and available.

Singles ROCK!!!!

Passing thought...

kuchh panne peechhe ki taraf palat ke mai ye kya dekhta hoon... meree zindagee haseen hai rangeen hai... masoom hai... vishwas nhi hota ki ye mai hoon.. lekin agar main ye hoon.. to kuchh panne aage jo ik nya chehra ban gya hai.. vo kiska hai? agar ye dono chehre mere hain to in mein se aslee koun sa hai? Agar iska jawab mere pas nahi hai to kis ke pas hai? Haan.. mere doston ke paas.. un ke pas jaroor hoga.. par koun se dost? mujhe in panno mein dost bhi alag alag najar aa rahe hain.. to koun hai jo tab bhi tha aur ab bhi hai? meree maa? lekin mujhe to aisa koyee panna hi nahi mil rha jis mein maine apni maa ko apne dil ke raaz bataye hon.. fir..? ab..? ab kis se poochhon? mera asli chehra koun sa hai? shayd ab ye hamesha ek paheli hi rahegee. ya fir aaj kal asli chehra naam ki cheez nahi rahee. sab waqt ke sath badalta hai. haan yahee sach hai. waqt ke sath sab abdalta hai. jo pehle tha vo pehle ka sach tha. jo ab hai.. vo ab ka sach hai. lekin agar sach sachmuch itna asthayee hai.. to sach ke mayne kya huye? sach bhi to ek kathan ban ke reh gya.. jo sach bhi ho sakta hai aur jhooth bhi.. halaat ke hisaab se..

I DONT KNOW WHY I WROTE THIS. I JUST FELT LIKE THIS. IF SOMEONE UNDERSTANDS THIS THEN PLEASE LET ME KNOW